Algengar Spurningar

Algengar Spurningar

Algengar Spurningar

Algengar Spurningar

 

                 Um Airbnb Rekstur

Þarf ég leyfi til að skrá mig á Airbnb?

Nýju Airbnb lögin gera fólki kleyft að skrá lögheimili eða eina aðra eign sem heimagistingu gegn endurgjaldi:

“Einstaklingum (ekki lögðaðilum) er heimilt að skrá heimagistingu gegn endurgjaldi á fasteign þar sem þeir eru með skráð lögheimili eða í einni annarri fasteign sem þeir hafa til persónulegra nota og er í þeirra eigu (þinglýst eign).” Tekið af www.heimagisting.is

Heimagisting leyfir þér að selja allt að 90 nætur á ári og þéna allt að tveimur milljónum.

Hvernig á ég að verðleggja nóttina hjá mér?

Verð fara alltaf eftir framboði og eftirspurn. Því er mikilvægt að fylgjast með verði á sambærilegum íbúðum í þínu hverfi og stýra verðinu eftir því. Verð eru mismunandi eftir árstíðum og meðalverð eru töluvert hærri á sumrin (frá maí til ágúst) heldur en á veturna (frá nóvember til mars). Algengt er að fólk með íbúðir í skammtimaleigu fái allt að tvisvar til þrisvar sinnum meira í tekjur heldur en í langtímaleigu.

Hversu margar nætur er raunhæft að selja á mánuði??

Algengt er að nýtingin sé um og yfir 90% í fallegum Airbnb íbúðum á sumrin en hún dettur auðvitað niður á veturna þegar færri ferðamenn eru á ferð. Undanfarin ár hefur nýtingin aukist umtalsvert vegna fjölgun ferðamanna til landsins.

Hversu mikil vinna fer í að reka Airbnb gistingu?

Töluverður tími fer í að sinna ýmsum þáttum þegar farið er í að leigja út íbúðir á Airbnb. Við miðum oft við 1-2 klst í samskipti og bókanir, 1 klst í móttöku og útskráningu, 2-3 klukkustundir í þrif og þvott (fer eftir stærð eignar) og er æskilegt að það sé einhver alltaf nálægt ef ske kynni að eitthvað kæmi uppá hjá gestunum þínum.

Geta leigjendur líka leigt áfram íbúðir á Airbnb?

Samkvæmt lögum um heimagistingu þá geta einstaklingar leigt út lögheimili sitt. Ef einstaklingur á ekki íbúðina þá skal hann sækjast eftir samþykki hjá leigusala um skammtímaleigu til ferðamanna og ganga úr skugga um að útleiga á Airbnb sé ekki brot á leigusamningum sem gerðir hafa verið.

Hversu lengi má ég vera á Airbnb ef ég er ekki með rekstrarleyfi?

Þegar þú skráir íbúðina þína í heimagistingu hjá sýslumanni (heimagisting.is) þá getur þú leigt út 90 nætur á ári án þess að þurfa rekstrarleyfi. Athuga að það er ekkert mál að dreifa þessum nóttum yfir allt árið

Hversu mikið má ég þéna án þess að vera með rekstrarleyfi?

Samanlagðar tekjur af leigu eignar má ekki nema hærri fjárhæð en kveðið er á um í 3. tölul. 4. gr. laga um virðisaukaskatt, nr. 50/1988, sem nú er 2.000.000 kr á almanaksári.

Hvernig skatta á ég að borga af tekjunum sem ég fæ?

Enn er óljóst hvernig á að skattleggja tekjur af heimagistingu. Ríkisskattstjóri hefur ekki gefið út neinar leiðbeiningar enn sem komið er.

tvennt til greina við skattlagingu á slíkum tekjum.

1. Annars vegar væri unnt að líta á slíkar tekjur sem sölu á þjónustu. Slíkar tekjur skattleggjast líkt og um smávæginlega einstaklingsrekstur væri að ræða. Skattur reiknast á hagnað og því er rétt að halda utan um gögn vegna kostnaðar. Skattprósenta af hagnaði er í kringum 40%

2. Hins vegar væri unnt að líta á tekjur af heimagistinu sem leigutekjur af fasteign, þ.e. fjármagnstekjur. Rökin fyrir því væru að um ströng skilyrði eru fyrir heimagistingu og umfang starfseminnar því alltaf takmörkuð. Þetta getur því ekki náð því marki að vera atvinnurekstur í skilningi tekjuskattslaga. Tekjur af heimagistingu væru því eðlislíkari leigutekjum en atvinnustarfsemi. Skattprósenta fjármagnstekjuskatts er 20% en það má þó ekki draga frá kostnað vegna útleigu og reiknast því skatturinn af brúttó tekjum.

Get ég séð hvaða gestir koma í Airbnb íbúðina ef ég er í GreenKey Frelsi?

Já, þú færð aðgang að öllum upplýsingum og færð tækifæri til að hafna bókunarfyrirspurnum ef þú óskar þess

Hvernig fæ ég rekstrarleyfi?

Það getur verið flókið og tímafrekt að sækja um rekstrarleyfi ef þú hefur ekki gert það áður. Þessvegna fór GreenKey í samstarf við bjuro.is þar sem þú getur keypt uppskrift að rekstrarleyfi sem mun spara þig mikinn tíma ef þú ætlar í þær framkvæmdir

bo

Hvað gerist ef íbúðin mín verður fyrir tjóni á meðan ég leigi út á Airbnb?

Airbnb veitir ákveðna gestgjafatryggingu (hægt að lesa um hana hér https://www.airbnb.is/info/guarantee) en hún kemur ekki í stað almennrar heimilistryggingar, TM hefur nýlega opnað fyrir viðbótatryggingu fyrir gestgjafa, þar er skilyrði að einstaklingar hafi skráð íbúðina í heimagistingu hjá sýslumanni. Við mælum með því að fólk hafi samband við sitt tryggingafélag áður en farið er í útleigu á Airbnb og ganga úr skugga um hvort þín heimilistrygging sé nóg eða hvort þú þurfir að kaupa viðbótatryggingu.

Hvernig er best að taka ljósmyndir af íbúðinni?

Sjá blogg: Ljósmyndun

Hvaða svæði þjónustar GreenKey?

Eins og er þjónustum við Höfuðborgarsvæðið, Selfoss og Hveragerði. Í bókunarforminu á heimasíðunni er hægt að sjá sjá öll þau póstnúmer sem við þjónustum.

Hversu hátt er álagningargjaldið utan skrifstofutíma, um helgar og á helgidögum fyrir staka þjónustu?

Álagningargjaldið er 2500 kr + vsk utan skrifstofutíma og um helgar. Á helgidögum er álagningargjaldið 5000 kr + vsk.